مەھدى حەسەن موراد 

ژبەر كو ئەڤ ئيدارە سەر ب حكۆمەتا ھەرێما كوردستانێ يە .. يان ژى خۆ ب كوردستانى د زانن … يان ژى پارتى نە .. يان ژى ھندەكا خوۆش خوشك بو ئەو خەلكێ بێ دەسھەلات نھا ل شنگالێ وھاتينە تەپەسەركرن ژ لايێ ھندەك گروپێن توند رەۆ ڤە  ئەو بەلنگازنە ئيناينە سەر رێكا بۆ ئارمانجێن خۆ و ململانێيا ھەى ل شنگالێ خۆپيشاندانا دكەن بو رێگريگرتن ل ئيدارا كەڤن  ، دێ باشە وەرن دا بسياركەين و ھەقيێ بێژبن ھەكەر ژبەر كو حكومەتا ھەرێما كوردستانێ پالپشتيا ئيدارا شنگالێ كربت و خو ل خەلكێ شنگالێ كريە خودان پشتى ئازاديا عراقێ ل سالا ٢٠٠٣ ھەتا ڤێ گاڤێ ، كەسى رێگرى ل حكومەتا عراقى و ئەڤ لايەن و گروپێن ل شنگالێ پەيدابين نە گرتبون  دێ بلا ھاتبانە و خزمەتا شنگالێ كربان يان ژى ھنگى( پ ك ك ) ل كيژ جھى بوون ، پارتى نە نھا بەلكى ھەر ل رۆژا  ھاتيە دامەزراندن خو ل ئاخا كوردستانێ كريە خودان و شنگال ژى ب بەشەكى خو دايە زانين و خو ل شنگالێ كريا خودان و بەرەڤانى ل شنگالێ كريە و قوربانى ل پێ ناڤێ شنگالێ داينە و ب گەلێ رەسەن يێ كوردستانێ دايە زانين و خەلكێ شنگالێ ژى ل سەر ڤى بنەماى باوەرى ب رێبازا پارتى و بارزانى ئيناينە و خۆ ب كوردێن رەسەن دزانن و چەكێ شەرفێ ل شۆرەشا ئەيلولێ وەرگرتينە ومل بملێ پێشمەرگەھى بەرەڤانى ژ كوردستانێ كرينە  ، لەوا ژى دوژمنا ئەڤ كەرب و كين و دل رەشى و دژايەتيا شنگاليا ھەبيە ھەر دليڤەكا بو داگير كەر و دوژمنا ھاتيە پێش گوڕزێ ھەر مەزن ل شنگالێ داينە ژ بەر كو دزانن شنگال كوكا كوردستانێ يە ، دڤيا پشتى ڤێ فەرمانا ب سەرێ ئێزديان ھاتى و ئێزدى پرت و بەلا بين و تايبەت شنگالى رێكێ نەدەن كەس كرين و فرۆتنێ ب شنگاليا ب كەت بۆ مەرەمێن خۆيێن سياسى ب كاربينت ، جھێ شانازيا مللەتێ كوردا (پارتا كريكارێن كوردستانێ )د ئاوارا شنگاليا ھاتين و رێك بو خەلكێ ڤەكرن دا رزگاربن ژ دەستێ دەولەتا ئيسلامى ، بەس ئەڤە رامانا ھندێ نادەت (پ ك ك) بێن بنە دەسھەلات ل كوردستانا باشور و بنە حاكم ل شنگالێ و رێگريێ ل پێشمەرگەھى و پارتى و ئێدارا سەر ب حكومەتا ھەرێما كوردستانێ بگرن ولايەنگرێن خۆ ھاندەن رێگريێ ئيدارا شەرعى بگرن وئێزديان ژ كوردستانێ ڤەقەتينن ، دگەل ھندێ ژى  پلانا دگەل داگيركەرا دارێژن و بنە ھەڤالێن حەشدا شعبى و كەتائب اھل ئەلحق و شۆرەشگێرێن ئيرانێ سوپايێ عراقێ و ھەماھنگيێ د گەل سوپايێ سورى ب كەن ب داگيركرنا شنگالێ و دەستەسەركرنا خالێن سنورى و گومركا ابراھيم خليل بتايبەت ، بەلێ ئەڤ خەون بوو وان بۆ دوزەخ و نەشيان ب گەھنا مرازێن خو ، ئەو بۆ حكومەتا ھەرێما كوردستانێ بو پاراستنا گيانێ پێشمەرگەھى و خەلكێ كوردستانێ و بەرسنگڕتنا ڤێ پيلانا مەترسيدار ل سەر پارتى و كوردستانێ كو يە ھەڤ دەم دگەل رويدانێن خيانەتا ١٦ى ئوكتوبەرێ پێشمەرگەھ و ئيدارا شنگالێ ب ھەڤرا خو ڤەكێشا و خۆ نەدا دەستێ دوژمنا و بەر سنگێ ڤى لەشكەرێ ئيرانى و شيعى و حەشدا شعبى گرتن و شەرمەزار زڤرين و سەركەفتى پێشمەرگەھى خوراگرتن ، پشتى سالەك ل سەر ڤان رويدانا دەرباس بى ژ شەرمەزاريا خو حكومەتا عراقێ بريار دا و داخازا ڤەگەراندنا پێشمەرگەھى و ئيدارا شەرعى يا شنگالى كرن ڤەگەرێن سەر كارێ خۆ ئەڤ جار ژ نو ھندەك ديڤەلانكێن دوژمنا يێ رێگريێ ل ئيدارا شنگالێ د گرن ب ھەر مەبەستەكا ھەبێت ، دبێژن ئەڤنە كوردن پارتى نە ، ھەگەر ل سەر ڤى بنەمايى بت دڤيا رێكێ سەرۆك كومار ژى بگرن ل وەزيرێ داراى و كوچ و كوچبەران ژى بگرن ل سەرۆكێ جڤاتا پارێزگەھا موسل ژى ب گرن كوردە و ئێزديا و پارتى يە ژى وھتد ، دڤيا شنگالى و ئێزدى ب تايبەت ل ڤێ قوناغێ خو ژ پارتى دورنەئێخن پارتى و سەروك بارزانى حزبا ئێكێ يە خو ل ئێزديان دكەن خودان و دەستان ژ ئێزديان بەرنادەن ھندى سەرۆك بارزانى و مالا بارزان ھەبن ،ب پالپشتيا سەروك بارزانى ئێكەمين قايمقامێ ئێزدى ل شنگالێ ھاتە دامەزراندن ل سالا ٢٠٠٣ بيە، نھا ژى بو جارا ئێكێ يە سەرۆكێ جڤاتا پارێزگەھا موسل كەسەكى شنگالى ب رژديا سەروك بارزانى ھاتيە دانان،پشتى عەرب و شيعا ب ھەمى ھەولێن خو نەشيان رێگريێ ل دانان ڤى كەسى بكەن ، ل ڤان سالێن بێت عراق وكوردستان وەكو ديار ب پشتەڤانيا جڤاكێ دەولى دقوناغا باش و تەنا و ئاڤەدانێ دا دێ دەرباس بت لێ  چەنسێ مە وەك پارتى ل ڤێ قوناغێ دێ پشكا شێرى بو مەبت و تايبەت بو پارتى ژبەر كو حزبا ئێكێيە ل عراقێ و دێ سەنگا خو بتر ھەر حزب و لاينەكى ھەبت و دلنيابن دێ رەوش وەكى بەرێ زڤڕت و دەسھەلاتا دەشتا موسل دێ ڤەگرێت بو ھەرێما كوردستانێ و پێشمەرگەھ دێ رولەكێ سەرەكى ل ڤێ دەڤەرێ ھەبت ژلايەكى ديڤە ل كوردستانێ پارتى ديسا رێژەكا زور ژ دەنگا ئينان ل ھەلبژارتنا و دێ حكومەتەكێ وەكى دڤێت دروست كەت لەوا ژ شنگاليا د ھێتە خاستن  خو ژ رێكێن شاش و نەدروست بدەن ئاليەكى و خو نێزيكى حكەومەتا ھەرێمێ و پارتى بارزانى ب كەن دێ مفاداربين وەك ئێزدى و ئێزدياتى  تايبەت دێ خزمەتەكا مەزن بو شنگالێ و شنگاليا ئێتە كرن ، ھەكەر نەرازيبون و گەندەلى و خرابكارى ژى ھەبت ل شنگالێ ، ل نێزيك دێ ھەلبژارتن ھێنە ئەنجام دان يێن پارێزگەھا موسل ھنگى شنگالى د شێن نوينەرێن خۆ يێن راستەقينە كا وان كيژ حزب و شەخس دڤێت دياركەن بۆ دەسھەلاتێ ل شنگالێ و موسل و بەغدا ، بەس نە بينە كرێ گڕتيێن خەلكێ بيانى دێ زەرەر و زيان ھەر ئەم بين دڤيا ئەم ھزر ل ھندێ ب كەين دێ چاوا خەلكێ مە يێ بەلنگاز ژ بن چادرا و كەمپا رزگاركەين و شنگالێ ئاڤاكەين و فشارەكێ ل سەر حكومەتا ھەرێما كوردستانێ و عراقێ و جڤاكێ نێڤ دەولێ كەين بو كێشا شنگالێ ب جينوسايد بێتە ناسين و كچ و ژنێن مە ئەڤێن دەستێ داعش دا رزگاربن و قەرەبوويا شنگالێ و شنگاليا بھێتەكرن و ئيدارا خو بكەين ئەم نە پێتڤى ب دەسھەلاتا و بەرپرساتيێ نە ..