• مەروان گاباری

ب درێژاهیا دیرۆکێ هەر جینۆساید و فەرمانەکا ب سەرێ ئێزدیان دا بهێت، کچ و ژن دبنە قوربانی، ل جینوسایدا شنگالێ ژی کچ و ژنێن ئێزدی قوربانێن دەست پێکێ بوون لێ سەرەرای وان هەموو نەخوەشیان و وێ زولم و زوریێ هەر کەچا ئێزدی خوە راگر مەیا و ب هەموو شیانێن خوەڤە بەرگری ژ مافێن ئێزدیان کریە چ ل سەر ئاستێ ناڤخۆی بێت یان لسەر ئاستێ نیڤ دەولاتی بێت نەموونەیێن وەکو ( نادیە موراد و لەمیا بەشار ) و هتد…
ل رۆژا ۳ـێ تاباخا سالا ۲٠۱٤ـێ داعش مەزنترین تاوانێن ل دژی مروڤاتیێ ل دەڤەرا شنگالێ ل دژی ئێزدیان ئەنجام دان ، بگرا ژ کوشتن و گرتن و ئاوارابوونێ و کوچبەربوونێ
و هەر چ تشتێ دژی مروڤاتیێ هەبێت، ل دژی ئێزدیان هاتە کرن و د ئەنجام دا ب هەزاران کەچ و ژن و زارۆک و زەلامێن ئێزدی، هاتنە رەڤاندن ژ لایێ وێ رێکخراوا تیرورستی ڤە ، پشتی دەرباز بوونا زیدەتر ژ سێ سالان ئەو رێکخروا تیرورستی ل ناڤ ئاخا عیراقێ دا مای و ل دیڤ را هاتیە راگەهاندن کو داعش نەما، لێ هەر گرتێن ئێزدی وندا مان و نەهاتنە ئازادکرن

لێ ئەڤ چار سال زیدەتر ب سەر جینۆسایدا ئێزدیان ژی دا دەرباز دبن و هەتا نۆکە زیدەتر ژ دوهزار گرتێن ئێزدی ل دەستێ داعش داینە و ب هەزاران خەلکێ ئێزدی یێ ئاوارایە د ناڤ کەمپان دا دژین و د ژیانەکا سەخت و دژوار دا و ئەڤ وەرزێ زڤستانێ هات پێدڤی ب هەموو جورێن هاریکاریێ و ب تایبەت پێدڤێن زڤستانێ و گوهارینا خیڤەتان و پێدڤی ب هەموو جورێن خزمەتگوزاریان و ژ لایێ رێکخراوێن نیڤ دەولاتی ڤە هاتینە
پشتگوهـ هاڤێتن

پشتی ئازادکرنا باژارێ مووسل پتر وان رێکخراو و دەزگەهێن د ناڤ کەمپان دا کەمپێن ئاوارە ب جهـ هێلاینە و بەرێ خوە دەینە وان دەڤەرێن ژ نوو رزگار بووین لەوا ژیانە خەلکێ گەلەک ب زەحمەت لێ هاتیە و نۆکە ئاوارە پێدڤی ب هەموو جۆرێن هاریکاریانە ب تایبەتی گرنگی دان ب کەل و پەلێن ساخلەمی و پێدڤێن پەروەردا د ناڤ کەمپان دا باشتر بهێنە دابینکرن