ئێزدی 24 – دیاب غانم

شنگال ژ دەڤەرێن چاندنێ دهێتە هژمارتن ژ بەر جهێ وێ یێ جوگرافی و ژینگەها وێ یا گونجا بۆ چاندنێ ، پشتی هاتیە داگیرکرن ژ لایێ داعشێ ڤـە ل 3ی تەباخا 2014 هەموو ئاکنجیێن وێ بەرەڤ چیایێ شنگال و دەڤەرێن باکووری یێن کو  هەرێما کوردستانێ عیراقێ دگرن ئاوارە بوون ، ئاکنجیێن شنگال هەمووا پشت ب چاندنێ و خودانکرنا تەرش و تەوالی ب نمرەیا ئێکێ دبەستن ژ لایێ ئابووری ڤــە.

ئاوارەبوونێ گەلەک ژ خەلکێ شنگال نەچارکرن دا کو بەرەڤ هندەک رێکێن دی بچن دا کو ببنە ژێدەرێ ژیانێ بۆ وان ل چاڤ وێ ژینگەها نەگونجاو بۆ چاندنێ و سامانێ ئاژەلی یێن کو لسەر وان دژیان ، پشتی رزگارکرنا شنگال ژ رێکخستنا داعش یا تیرورستی ژمارەیەک ژ خەلەکێ شنگال بۆ گوندێن خۆ ڤەگەریان ل شنگال ل وی دەمی نەبوونا دەلیڤەیێن کاری جارەکا دی ل چاندنێ و سامانێ ئاژەلی زڤڕین.

“سلێمان حسێن” دبێژیت کو ئێکە ژ جووتیارێن شنگال “گەلەک دەڤەرێن عیراقێ پشت ب چاندنێ دبەستن ژوان ژی شنگال، پشتی رێکخستنا داعش یا تیرورستی دەڤەر داگیر کری دەڤەر یا خالی بوو ژ جووتیارا و پشتی چار سالان هندەک ژوان ڤەگەریان دا ئەردێ شنگال جارەکا دی ب جەهـ و گەنمی شین ببیت ، و زێدەتر گۆت لڤر ئەم پشت ب چاندنێ بنمرەیا ئێکێ دبەستن وەک ژێدەرەک بۆ ژیانێ لێ پێتڤی یە لسەر حکومەتێ پارەیێن مە یێن مایی بدە داکو ژمارەیەکا مەزنتر ژ جووتیارا بهێن و هیڤیا وان نوو ببێ ب پشتبەستنێ لسەر چاندنێ”.

ل ئاخفتنا خۆ بۆ “ئێزدی 24” دا “حسێن” گۆت “شنگال ژدەڤەرێن گونجاوە بۆ چاندنێ ئەڤجا ئەم هەول ددن ئەڤێ خالێ بکاربینن داکو ئەم مفایی ژێ وەرگرن، ئەڤجا پشتی رزگارکرنا دەڤەرا مە ژ تیرۆرێ و خالیکرنا ئەردێن چاندنێ ژ پاشمایێن داعش ژ مینا ئەم وەک جووتیارێن شنگال ب هەموو شیانێن خۆ کارکر بۆ چاندنا ژمارا هەرا مەزنتر ژ ئەردا لێ ئەم دپێتڤی پێتڤیێن چاندنێ نە یێن کو هاریکاریا مە دکن ل پرۆسەیا چاندنێ دا و هەکە حکومەتێ گرنگی ب بابەتی دا; ژمارەیەکا مەزنتر ژ ئاوارا دێ ڤەگەریت بۆ ئاخا خۆ ئەم ژ هوبا چاندنا شنگال دخوازن کو پتر کاربکە بۆ جووتیارێن خوە”.

کارمەند د هۆبا چاندنا شنگال دا “محسن عەلی” ژ “ئێزدی 24” را ئاخڤی و گۆت “ئەم وەکو هۆبا چاندنا شنگال ب هەموو شیانێن خۆ کاردکن و هەول ددن کو ئەوێ بکەن یا د بەرژەوەندیا جووتیارێن خۆ دا ، ئەم کاردکن داکو ئەو تشتێن ژ جووتیارێن مەرا بهێتە تەرخانکرن ژ تۆڤ و ئامێرێن و ماددەیێن چاندنێ، وەک هەموو دزانن کو دەڤەرا مە ژ دەڤەرێن چاندنی یە و هاتیێ دەڤەرا مە یێ باشە و ژبەر ڤێ چەندێ ئەم دپێتڤی گرنگیدانەکا پترن ب چاندنێ ل دەڤەرا مە”.

“گەلەک جاران مە داخوازا پارەیێ جووتیارا کریە لێ بێی چ تشت بهێنە دەست هەتا نهۆ سەرەرای کو بەشک ژێ هاتە بەلاڤکرن و هەکە ب شێوەیەکی تەمام هاتبا بەلاڤکرن دا ژمارەیەکا مەزنتر ژ جووتیارا ڤەگەریابا هندەک ژوانا شیان نینن کو چاندنێ بکە، چێدبیت ئەم ئەردێن چاندی ل شنگال نهۆ ب 30 هەزار دۆنم هەتا 35 هەزار دۆنم ب رێژەیەکا نێزیکی چاڤبین بکەن و ئەردێن نەهاتینە چاندن نەهاتنە چاندن ژبەر ئەگەرێن جودا جودا ژوان ژی ڤەنەگەریانا خەلکێ و ترسا وان ژ پاشمایێن رێکخستنا داعش یا تیرورستی” وسا “محسن عەلی” ئاخفتنا خۆ بۆ “ئێزدی 24” ب دوماهیک ئانی.