ئيزيدي 24 _ ذياب غانم 

بۆ وان تاکێن کو ژ بەر لاوازبوونا شانێن جەسەدی و عەقلی و دەروونی یان ئەخلاقی یان پەروەردی یان زمانی دنالن دبێژن کێم ئەندام ، ئەڤ چەندە ژبەر تنێ بوونا وان ژ جڤاکی و ب جیهئینانا وان ژ یا کەسێن نورمال کەمتر دبیت ل بوارێن ژیانێ دا ئەڤجا دپێتڤی وانن یێن کو هاریکاریا وان بکن بۆ خۆگونجاندنێ دگەل جڤاکێ ، و ئەو چەندە داکو بشێن ژیانە خوە برێڤەببن ب شێوەیەکی سروشتی .

ئاوارە ژ رەوشا خراب ل کەمپاندا دنالن و کەم ئەندامێن دناڤ ئاواراندا زەحمەت لێ دجاری دبیت ژبەر کو گوهلێکرنەکا تایبەت بۆ وان دڤێت ژ یێن دی پتر و هەروەسا گرنگیەکا تەندروستی و دەروونی لێ هەبوونا وان د کەمپاندا رۆل ل زەحمەتخستنا رەوشا وان دا هەبوو.

ژ گرنگترین ئاریشەیێن کو کەم ئەندام ژبەر دنالن ئاریشەیێن گەش بوونێ ، ئاریشەیێن خواندن و زەحمەتیا فێربوونێ، ئاریشەیێن مێشکی و کەم ئەندام ژی جورن ژوان ژی کەم ئەندامێن کومەلایەتی ، کەم ئەندامێن دەروونی و ئەخلاقی، کەم ئەندامێن بهیستنێ و فێربوونێ، کەم ئەندامێن پێکگەهاندنێ و بەرسڤدانێ، کەم ئەندامێن جەسەدی.

ڤان کەسا مافێن هەیین وەک کەسێن دی یێن نورمال و ژ ڤان مافا، مافێ ژیانێ ب رێزگرتن ژیێن دی ، مافێ فێربوونێ لدیڤ شیانێن وی، مافێ گوهلێکرنا تەندروستی و جڤاکی، مافێ کارکرنێ دبوارێن کو ئەو دزانێ دا، مافێ شوکرنێ و ئینانێ، مافێ پشکداریکرنێ دچالاکیێن وەرزشیدا، مافێ پشکداریکرنێ د ئاخفتنێ و گفتوگۆیێ دا و برنا دیتنا وی هەکە چێببیت، مافێ بوونەخودانیێ هەکە کێم ئەندامیا وی نەبیە رێگر بۆ وێ چەندێ.

کەسەک ژ کەم ئەنداما  کو نەڤیا ناڤێ وی بهێتە دیارکرن بۆ “ئێزدی 24″ دبێژیت‌”ژیان بۆ هەمووا یا بزەحمەتا ل کەمپاندا ، ئەڤجا چەوا زەحمەتا وێ دجاری نەبیت ل چاڤ بارودۆخێن نەگونجا بۆ وان، هندەک جیهەت و رێکخراو هەنە کو ل رەوشا مە و ئەوا ئەم تێرا دەرباس دبن دپرسن بەلێ پرسکرن بتنێ نە بەسە هەکە قوناغا دابینکرنا هاریکاریان هات بۆ مە، هندەک ژ دەمەکی بۆ دەمەکێ دی هاریکاریان وەردگرن بەلێ یێن دی چ هاریکاری ناگەهنێ”.

“ئەم دخوازن هەر وەکی بەری نهۆ مە خوەستی کو یا ئەم پێتڤی بۆ مە بهێتە کرن چ داربن یان عەرەبانە یان ژی مرافقێن تەندروستی یێن کو بۆ حالەتێن مە دگونجا یان هەر تشتەکێ کو ئەم دپێتڤی بن ل مەشێ و لڤینێ دا و هاریکاریێن ماددی و بشتەڤانیا دەروونی” ئەڤە بۆ یا ب رێکا “ئێزدی 24” داخواز کری.

ددیدارەکێدا نوێنەرێ رێکخراوا مافێن مرۆڤ تایێ فرانکفۆرت ل هەرێما کوردستانا عیراقێ “خەلیل قاسم بۆزانی” دگەل “ئێزدی 24” دا دا زانین “نورمال ڕەوشا کەم ئەنداما گەلەک یا خرابە ل ڤێ ژینگەها خیڤەتیدا یا کو چ گۆهلێکرن یان گرنگیداناەکا تایبەت ب وان ڤە ئەم وەکو رێکخراو هەول ددن کو هاریکاریا وان بکن ل دیڤ شیانێن خوە لێ دپێتڤی بشتەڤانیەکا مەزنترن ژ لایێ ژمارەکا مەزنتر ژ رێکخراوا ڤە ژ بەر کو تیخەکا پشتگوهـ هاڤێتی نە ژلایێ هەمووان ڤە”.

ل دوماهیا ئاخفتنا خوە دا گۆت “دەولەت ب خۆ یا کێمە و یا پێتڤی گۆهلێکرنێ یە و ئەم د ڤێ تیخێدا (کەم ئەندام)  بوون ژ وێ روژا ئەم بوویین دا و ئەڤ قەدەرا مەبوو ، بەلێ دەولەتێ ب خوە خۆ کێم کر یان نهۆ گرنگی ب مە هاتبوو دان ژ لایێ وێ ڤە،و دەولەت پتریا خەلکێ وێ مە لاواز دبینن  و هندەک ژێ یاریا ب مە دکن و ئەڤ چەندە حالەتا مە یا دەروونی بەر ب  خراب تر دبە و نزانن کو هندەک گەل و وەلاتێن دی هەنە یاریا ب وان دکن و هەکە ژینگەهەکا گونجای و خۆلێن ڕاهێنانێ یێن تایبەت ب بوارێن جودا جودا بۆ مە هاتبانە رێکخستن دا نهۆ هندەک بەهرە هاتبانە دیتن کو کەسێن دی نینن”.

“ئەڤ کەسێن کو ژبەر کێمیەکا جەسەدی یان عەقلی پایا خۆ هەیە دهەر جارەکا کو ئەم هاریکاریان بەلاڤبکن و ئەڤ چەندە ب رێکا گرۆپا یان هندەک کەسێن خۆبەخش ل کەمپاندا کاردکن لسەر دەستنیشانکرنا وان و دانا ژمارا وان بۆ مـە، ئەم هەول ددن کو پتر هاریکاریا ڤان بکن و ئەڤ چەندە ژی ب بەلاڤکرنا داران و عەرەبانە و تەختان لێ ئەڤ هاریکاری بتنێ نە بەسن لچاڤ بارودۆخێن وان یێن ب زەحمەت و هەروەسا وان جهێ خۆ دپلانێن مە یێن پاشەرۆژێدا هەیە و هەکە گوهـ لوان هاتە کرن و خۆل بۆ هاتنە ڤەکرن هندەکا ژوان شیانێن کو نە کێمی شیانێن کەسێن سروشتی و دکارن کاربکن و هندەکا ژوان ململانی دگەل بارودۆخا کر و ل خواندنێ دا بەردەوام بوون هەتا کو دەرچوویین و ئەڤ مەزنترین بەلگەیە لسەر ڕژدیا وان لسەر کارکرنێ و ب ڤەکرنا خۆلێن فێرکرنێ وەک فێرکرنا ئامێرێن موسیقێ و فێرکرنا شوفێریێ و وێنەکێشانێ چێدبیت هندەک بەهرەیێن باش ژێ دەرکەڤن” ئەڤ بوو یا کو “بۆزانی” هەروەسا گۆتی.