ئێزدی 24 _ هانۆڤەر

بەرێز عسمەت تەحسین بەگ کورێ میرێ ئاینێ ئێزدی ل عیراقێ و جیهانێ گۆت ، کو هەتا نهۆ میر ل حالەتەکا تەنگاڤدا یە و چاڤدێریەکا تایبەت بۆ دهێتە کرن ژ لایێ نۆژداران ڤە ل نەخۆشخانا زیلوە ل باژارێ هانۆڤەر یێ ئەلمانی.

عسمەت تحسین بەگ ب رێکا “ئێزدی 24” سوپاسیێن خوە بۆ هەموو ئێزدیێن کو پرسا حالێ میری کرین و هەرکەسێ سەرەدانا وی کری و یێ کو تەلەفونا وان کری بۆ هایدار بوونێ ژ  تەندروستیا میری و بشتەڤانیا خوە بۆ خێزانێ دیار کرین ل ڤی وەختێ ب زەحمەت دا .

هەروەسا عسمەت تەحسین بەگ ل ئاخفتنا خوە دا بۆ ئێزدی 24″ تایبەتمەند کرن “دەکتور بەرهەم سالح سەرۆک کۆمارێ عیراقێ یێ کو بالیۆزێ عیراقی ل بەرلین مامۆستا دیاء ئەلدەباس شاندی وەک نوێنەر بۆ خوە و بەرێز مەسعوود بارزانی سەرۆکێ پارتا پارتی دیمۆکراتی کوردستان و بەرێز نێچیرڤان بارزانی سەرۆکێ حکومەتا هەرێما کوردستانا عیراقێ و خێزانا شاهانە یا برێتانی و نوێنەرێ وان بارۆن ئیما نیکلسۆن و ژمارەکا مەزن ژ کەسایەتیا و سیاسیان لسەر ئاستێ جیهانی ب سوپاسیکرنا وان بۆ پەیوەندیێن وان و سەرەدانا شاندێن نوێنەرێن وان بۆ هایدار بوونێ ژ تەندروستیا میر تەحسین بەگ میرێ ئێزدیان ل عیراقێ و جیهانێ و بشتەڤانیا وان یا مەعنەوی بۆ ئێزدیان.