ئێزيدی۲٤:باسم قاسم
هەلبەستڤانێ شنگالی “عەلادین قۆلۆ حەجی” یێ ناسیار ب “عەلدینێ قۆلۆ”ژدایکبوویێ سالا1993یە ل قەزا شنگالێ ئەڤ دبێتەکارێ وی یێ ئێکێ ژ هەلبەستێن وی وپەرتووکا خوە یا ئێکێ بەلاڤ دکەت

عەلدین ژبۆ ئێزدی۲٤ رە دا دیارکرن، ئەڤ پەرتووك ئەڤ بەری دو سالان من نڤیسی بوو ل د مال ڤە بو ژبەر هاریکاری نەدهاتەکرن هەتا کو ئەز کاربم چاپ بکەم و دناڤ خەلکەکی دا بەلاڤکەم لێ پشتی دو سالان ژنوو من پەرتووکا خوە چاپ کر و من بەلاڤکر

بتر گۆت، ئەڤ پەرتووك پێک دهێت ژ “133”لاپەران و “500”دانە و بەحسێ ئەڤان بابەتان تێدا دهێتە کرن .”ئەڤینیێ،وەلات،دایکێ”و بتایبەتی ژی ئەڤێ فەرمانە داویێ بسەر ملەتێ ئێزدی دا هاتی کارتێکرنەکا گەلەکێ مەزن ل هەستێ من کر هەتا کو ئەز بتر دەست ببم پێنوسە خوە و ژ چەند ئالیان ڤە دەست ب نڤیسانێ بکەم

ل داویێ گۆت،ئەڤ پەرتووك هەتا بەلاڤکرن ژ کارێ منی ئێکێ و چەندین کارێن من دێ ل داهاتی ژیدا هەبن هەتا کو ئەڤ نەخوەشیێن بسەر ملەتێ ئێزدی دا هاتین ژبۆ خەلکەکی بهێتە دیارکرن چ بسەرێ ملەتێ ئێزدی هاتیە.