ئێزيدی 24 ـ ذیاب غانم

ژبەر کو ژ لایێ حکومەتێ ڤە گرنگی پێ ناهێتە دان و ژبەر کو دەلیڤەیێن کاری بۆ وان نینن ئەو ب خوە دەلیڤا دروست دکن دا ژیانا وان یا رۆژانە بەردەوام ببیت، ل ناڤ وان دا ب سەدان دەرچوو هەنە یێن خودان ئاستەکێ زانستی یێ بلند و هەرەوسا بەهرەیێن جودا جودا لێ نەبوونا جیهەتەکێ کو چاڤدێریا ڤان بەهرەیا بکە و بێدەنگیا حکومەتێ بەرامبەر دەرچوویان و نەشیانا وێ بۆ دابینکرنا دەلیڤەیێن کاری بۆ وان، ئاخفتن ل دۆر ئاوارەیێن ئێزدی یێن ل خیڤەتگەهێن کوردستانا عیراقێ.

ئاوارە نکارن دەستهلدای بمینن ژبەر رەوشا وان یا بزەحمەتە و گەلەک ژ وان ل سنورێ چینا بەلەنگازیێ دانە ئەڤجا ئەو نەچارن کاربکن، و ژبەر دەلیڤەیێن کاری دکێمن ئەو کارێ چاندنێ دکن چاندن ئێکبوو ژ گرنگترین ژێدەرێن ژیانێ بۆ وان ل دەڤەرێن وان یێن بەرێ لێ دئاکنجی.

کارکرن ل بوارێ چاندنێ دا مفایێن ئالوگۆر هەنە بۆ ئاوارەیان و خودانێن ڤان ئەردێن چاندنێ یێن کو ئاورە دچینن ئاوارە بەرهەمێ هاتی بۆ خەلکێ ڤان دەڤەرێن کو ئاوارەبووینێ و هەتا پارێزگەهێن باشوور ژی ژ وەلاتی کو بەرهەمێ هاتی بۆ وان دەڤەرا ژی دهیتە هنارتن و هەروەسا ئاوارەیێ ئێزدی ژی پارەیان بدەست خوەڤە تینیت کو پێتڤیێن خو پێ دروست دکەت.

گەجێ ئێزدی یێ ئاوارە مەروان عەلۆ ژ “ئێزدی 24” را ئاخڤی و گۆت “بۆ ژیانێ زەحمەتەکا زۆر هەیە ل کەمپاندا ئەم دەلیڤەیێن کاری نابینن دا کو ژیانا خێزانێن خۆ پێ برێڤە ببن سەرەرای کو گەلەک ژ مە دەرچوونە ژ زانکۆ و پەیمانگەها و ژ بەشێن جۆرا و جۆر لێ ئەم زەحمەتەکێ دبینن هەتا ئەم دەلیڤەکێ دبینن و ئەڤ چەندە مە نەچار دکە کو ئەم بەرەڤ چاندنێ بچن دا کو دەلیڤەیێن کاری بۆ خۆ چێبکەن یێن کو ب رێکا وان ئەم دشێن پارەیان بدەست بینن”.

“ئاوارەیان ڕۆلەکێ پۆزەتیڤ ل گەشەکرنا ئابوورێ ڤان دەڤەرا یێن کو ئاوارە بووینێ ل چاڤ وی کارێ ل بوارێ چاندنێ دا دهێتە کرن و هەروەسا چاندنێ ژی ڕۆلەکی گرنگ ل دابینکرنا ژیانەکا باش بۆ ئاوارەیی دا هەیە لێ پێتڤیە لسەر جیهەتا زوو بلڤن بۆ دیتنا دەلیڤەیێن کاری و دامەزراندنا بۆ ئاوارەیا دا کو ئاوارە بشێت بژیت وەک تاکێن دی یێن ڤی وەلاتی و کاربیت بۆ دەڤەرێن خوە ب زڤریت” ئەڤەبوو یا عەلۆ ل داویا ئاخفتنا خوە دا ژ بۆ “ئێزدی24” گۆتی.

هەروەسا جوتیار “فێسەل حسێن” ژ “ئێزدی24” را ئاخڤی و گۆت “ل شنگال ژی چاندن ئێکبوو ژ ژێدەرێن گرنگێن ژیانێ بوو و نوهە و پشتی پشت گوهـ هاڤێتنا کو ئاوارەیێن ئێزدی ژبەر دنالن ل چاندنێ ڤەدگەرن دا ب رەوشەکا باش یا ژیانی بژین ب رێکا کارکرنێ ل بوارێ چاندنێ دا”.

“ئەگەر حکومەتێ گرنگی بڤان جوتیارێن ئاوارە دابا دا ئابوورێ عیراقێ باشتر بووبا ئێکسەر کو چاندن ژ ژێدەرێن ئابووریێن گرنگە ل جەم جڤاکا عیراقی هەمووێ و دا عیراق ب بەرهەمێ وان قەدیابا و ل هەمان دەم دا بەرهەمێ دەرڤە دا بڕەکا کێتر با و کێمتر گرنگی با ل دەڤ خەلکێ” ئەڤ بوو یا کو ل داویا ئاخفتنا وی دا بۆ “ئێزدی24” هاتی.