ئێزيدی24 – دياب غانم

سەرەرای هەموو بارودۆخ و کاودانێن بسەرێ ئێزدیان هاتین ئەو بهێز و خۆڕاگر بووینە و هەر تشتەکی گرێدای بوانڤە پاراستینە ژ کەلتۆر و فلکلۆر و رێ و رسمێن ئاینی یێن تایبەت ب وان، فلکلۆر و کەلتۆرێ کو ژ نفشەکی بۆ نفشەکی دی دهێتە ڤەگوهاستن بەردەوامە دبەلاڤبوونێ دا ب سایتا ئێزدیان ب خوە و ئەو ل هەولێن بەردەوام دانە کو ئەوا وان هەی ژ فلکلۆر و کەلتۆرێ ساخ بپارێزن.

پشتی کومکوژیا ڤێ دوماهیکێ یا کو بسەرێ ئێزدیان هاتی و بارودۆخێن ئەمنی و سیاسی یێن ب زەحمەت یێن یێ ئێزدی تێدا ژیایی ئەو نەچر کر کو ڤر بجهـ بهێلیت و بۆ هندەک دەڤەرێن دی کۆچ بکە و ل جهەکێ باش و ئامن و دوور ژ ململانی و سەقایێ نەیێ باش و تیرۆرێ ئەڤجا ئێزدی ل گەلەک دەڤەران ژوان ژی ئۆسترالیا و ئەلمانیا و کەنەدا و هندەک وەلاتێن دی بەلاڤبوون و ب ڤێ چەندێ کەلتۆرێ ئێزدی ژی بوانرا بەلاڤبوو داکو ل وان وەلاتا ساخ ببیت.

پشتی خوجهبوونا وان ل ور، و لچاڤ وێ ئازادیا کو پێ شاددبن ل وان وەلاتا، ئێزدیان خوە ب پێش خست ل وان جهێن هاتین گۆتن و هندەک پێنگاڤ ئاڤێتن کو کەس نکاریت باڤێژیت ژبلی ئەو کەسێن باوەری ب خوە هەیێن و سەرکەفتنێن مەزن ب دەستخۆڤە ئانین ل هەموو بۆارادا، و بڤێ چەندێ رەوشەنبیریا ئێزدیان و کەلتۆرێ وان ل ڤان وەلاتا بەلاڤبوو و ژوان ژی فەرەنسا و ئەڤێ تشتی جوانیەک ئێخستە ڤیستەڤال و ئاهنگێن کو ئێزدی پشکداریێ تێدا دکن.

گەنجێ ئێزدی “دلێر هاڤند” یێ کو ل وەلاتێ فەرەنسا دژیێ ژ “ئێزدی24″را ئاخفت و گۆت “دەمێ ئەم هاتینە فەرەنسا ئەم دغەریب بوون لێ پێنگاڤ پێنگاڤ مە خوە دگەل ژینگەها ڤی وەلاتی گونجاند و پشتی هنگێ مە چەند ڤیستەڤال دیتن و مە دیت کو ئەڤ گەلێن پشکداریێ ل ڤان ڤیستەڤالادا دکن کەلتۆرێ وان گەلەک تشتان یێن کو ل کەلتۆرێ مە  دا هەین بخۆڤە دگریت لێ بشێوەیەکی جودا و مە دیت کو ئەم کارن هندەک تشتا ژ فلکلۆرێ خوە نمایش بکن و مە ئەڤ چەندە کر ب رێکا پشکداریکرنێ ل ڤیستەڤالادا”.

زێدەتر گۆت،”پشتی کو هندەک تشت ژ کەلتۆرێ مە دیتین حەز ژێ کرن و مە ژی ژکارێن خوە زێدەکر و مە پشکداریکرنێن خوە زێدەکرن ژ بەر کو کەلتۆر ناسنامەیە و پێتڤیە ئەم دەست ژ ڤێ ناسنامێ بەرنەدن و نهۆ کەلتۆرێ مە وەک ژێدەر دبینن و ئەم ژی وەسا حەساب دکن و گرنگیا وی دزانن و ب رێکا وی دشیاندایە ئەم خوە ب گەلێن دی وەک هنودا و ئەمەزۆنا بدنە ناسکرن وەک ئێزدی و مە پشکداری دگەلەک ڤیستەڤالادا کریە ژوان ژی :
Festival rencontre au coeur du sacré-
Théâtre du soleil à Paris-
Festival rencontre au coeur du sacré-
international festival du chamanisme-
théâtre du soleil à Paris-

و مە یا مە کاری ژ تشتێن کەلتۆری نیشا وان دا و دگەل شلۆڤەکرنەکا ووردبین بۆ هەر تشتەکی ژ کەلتۆرێ مە”.

بەردەوام بوو و گۆت” فەرەنسا ژوان وەلاتانە یێن باوەری ب علمانیێ هەی و یا کو گەلەک پویتی ددتە کەلتۆر و تشتێن وەک وی و نمایشکرنا کەلتۆرێ مە ژ لایێ مەڤە علمانی دهێتە هژمارتن و هەتا شاندێن دی ژی ژ وەلاتێن دی ژوان ژی ئەوروپی و ئەفریقی یێن کو دگەل مە پشکداری ل ڤیستەڤالادا کرین کەلتۆرێ مە ژیێ وان پتر حەزکرنەکا پتر بدەست خوەڤە ئینا ژ بال فەرەنسیا ڤە ژبەر کو کەلتۆرێ مە ب سروشتێ ڤە یێ گرێدایە”.

هونەرمەندێ ئێزدی “هاڤند شنگالی” یێ ناڤدار بناڤێ “هاڤین شنگالی” ژ “ئێزدی24” را ئاخفت و گۆت “فەرەنسی وەک گەل و وەک حکومەت حەز ژ کەلتۆرێ مەدکن و هەروەسا وەک بوروپی ژی و گەلەک ژوان دخوازن کەلتۆرەکی وان یێ مینا یێ مە هەبان، و ژبەر مە کەلتۆرەکی زەنگین و یێ راست هەیە ئەم دکارن هندەک تشتێن دی یێن کو مە بەری نهۆ ل ڤیستەڤالادا نمایش نەکربوون نیشا وان بدن و ب رێکا ڤان پشکداریکرنا ئەم دکارن کەلتۆرێ خوە ب پارێزن دا کو زاروکێن مە ل پاشەرۆژێدا زانینەکا تەمام لسەر کەلتۆرێ مە ل ئەوروپا هەبێ”.

“پشکداریکرنا مە ل ڤیستەڤالا دا ڕۆلەکی نێگەتیڤ و پۆزەتیڤ هەیە ئەڤجا چێدبیت هندەک گەل هندەک تشتان ژ کەلتۆرێ مە ببن و ل هندەک جهێن دی نمایش بکن یان ژی هندەک تشتێن کەلتۆرێ خوە پێ دروست بکن و هەروەسا چێدبیت کەلتۆرێ مە ببیتە زێدەهیەک بۆ کەلتۆرێ فرەنسی ل پاشەرۆژێدا لێ ئەرێنیا وی پترە ژ بەر کو ب رێکا ڤی کاری ئەم کەلتۆرێ خوە ژ گەلێن ئەوروپی نمایش بکن و ئەم خوە ب وان ددنە نیاسین ب رێکا وی و مە هندەک کار لپاشەرۆژێ ژیدا هەنە وەک هەڤدیتنەک دگەل ئەرشیفی پاریس و تێدا دێ تشتێن ل دۆر کەلتۆرێ ئێزدیان یێن ئەم زانن دنە زانین”.