ئێزيدی 24 ــ شنگال

ماڤپەروەرا ئێزدی “سەراب ئەلیاس” بتایبەت ژ ئێزدی۲٤ رە دا دیارکن، کو چڤانێ راکرنا گۆرێن بکۆم ل شنگالێ دێ هێتە دەست نیشانکرن ژلایێ لژنا راکرنا گۆرێن بکۆم و ب هەماهەنگی دگەل تیما نەتەوەییا دیڤچوونا تاوانێن تیرۆریستێن داعش و هندەك ئالیێن ئێزدی .

“ئەلیاس” ل بەردەوامیا ئاخڤتنا خوە دا ژ “ئێزدی 24” دا دیارکرن کو چڤانێ راگرنا گۆرێن بکۆم یێن ئێزدی هاتیە دەست نیشانکرن ل 15 هەیڤا ئادارێ یا ئەڤ سال راگرنا وان گۆران دێ رێ ورەسمێن دینی و فەرمی هەبن .

هەروەسا ماڤپەروەر “سەراب ئەلیاس” دا خویاکرن کو دەستپێکا راگرنا گۆرێن بکۆم دێ ژ گوندێ کۆچۆ دەستپێکەت ئەو گوندێ کۆمەلکوژیەاە بکۆم ل دەرهەقی ویدا هاتیە ئەنجامدان و پاشی دێ گۆرێن دی یێن گرێدای ب وی گوندی ڤە هێنە هەلدان ، هەروەسا ئاماژا دا وێ چەندێ، ئارمانجا وان ئەوە کو پێرابوون و کارێ دهێتە کرن ل ئاستێ قوربانیا کەیسێ و گرنگیا روحی و دەروونیا کەیسا ئێزدیان بیت .

“ئەلیاس” ئاماژە دا وێ چەندێ کو ئەو کۆمبوونا ل بەغدایێ هاتیە کرن ل ئۆفیسا فەرمانگەها رێکخراوێن نە حکومی یا گرێدایی ئەمیندارەتیا گشتی یا جڤاتا وەزیران و ب ئامادەبوونا چەندین کەسێن پسپۆر لڤی بواری دا ژ لایەنێ شاندێ حکومی بەرێز “محەمەد تاهیر تەمێمی” ڤە سەرۆکێ ژورا ئۆپراسیۆنان و رێڤەبەرێ فەرمانگەها رێکخراوێن نە حکوومی ل ئەمیندارەتیا گشتی یا جڤاتا وەزیران و تیمێ دگەل دا خانم نیکۆل خۆری راوێژکارا یاسایی ل تیما دیڤچوونێن نێڤدەولەتی ل تاوانێن داعشێ دا و بەرێز ئەحمەد ئەلیاسری ژلایێ UNDP ڤە و دکتۆر زێد محەمەد رێڤەبەرێ گشتی یێ پزیشکیا داد و بەرێز دەرخام ژ فەرمانگەها شەهیدان هەردیسان ب ئامادەبوونا چەندین کەسێن دی یێن ناڤخۆی هەر ئێک ژ شێخ نایف جاسۆ شێخێ هۆزا مەندکان و مامۆستا خدر سالح ژ گوندێ کۆچۆ .

“ئەلیاس” دا دیارکرن کو کۆمبوون لسەر دەستپێکرنا راکرنا گۆرێن بکۆم بوو یێن قوربانیا کۆمەلکوژیا ئێزدیان و ئالیاتێن گرێدای گەرەنتیکرنا هەلدانا وان ب شێوەیەکێ دورست و رێک و پێک و یاسایی و لگۆری پیڤەرێن نێڤدەولەتی و ل ژێر چاڤدێریا پسپۆرێن نێڤدەولەتی لڤی بواری دە و ببەشداریکرنا تیمێ دیڤچۆنا نێڤدەولەتی ب سەرۆکاتیا بەرێز کەریم ئەسعەد خان و ژلایێ خۆڤە دیارکر، کو هەماهەنگیەکا تەمام دناڤبەرا لایەنێن دیارکری ل سەری دا و کۆمەلگەهێ ناڤخۆی ژ کەس و کارێن قوربانیان و نوێنەرێ کۆتایا ئێزدیان و دگەل گێرانا رێ و رەسمێن ئاینی ب شێوەیەکی ژهەژی ئانکو رێ و رەسمێن ئێزدی یێ سادە بن کو دور بن ژ کێش ڤەکێشێن سیاسی .

و دیارکر کو ژمارا گۆرێن بکۆم یێن هەتا نۆکە هاتینە دیتن پترن ژ 70 گۆرێن بکۆم ل هەموو دەڤەرێن جودا جودایێن قەزایا شنگال رۆژئاڤایی پارێزگەها نەینەوا باکورێ عیراقێ ، و بریاربوو هەلدانا وان ل 1 هەیڤا تەشرینا دووێ یا سالا بۆری هاتبانە هەلدان بەلێ ژئەگەرێ ناوکۆکیێن سیاسی و کێشەیێن ئەمنی چڤانێ هەلدانا وان گۆرێن بکۆم یێن ئێزدیان هاتە پاشئێخستن ژبۆ دەمەکی نەدیار لگۆری داخویانیا جێگرێ ئێکێ یێ جڤاتا نوێنەرێن عیراقێ حەسەن الکەعبی .